SA GRAAN/GRAIN LOER IN BY ONS ADVERTEERDERS

Gepubliseer: 14 November 2025

109
Antonie Broodryk (digitale bemarkingspesialis van AFGRI Operations, middel) het vir Tony Bartlett en James Robertson van Hermanus meer vertel oor AFGRI se omvattende landboulogistiekdiens. Deur logistieke uitdagings te hanteer, stel AFGRI produsente in staat om op hul kern­besigheid te fokus.
Jos Maree van die Strand het sy dogter Corné Louw, wat in Angola boer, bederf met ’n NAMPO Kaap-uitstappie. Alwyn Badenhorst (areabestuurder in die Wes-Kaap) het hulle meer vertel van Atlantic Fertiliser se organiese en semi-organiese bemestingstowwe vir “groei wat jy kan meet”.
Agricol het gefokus op hul kanolapakket tydens NAMPO Kaap. Twee van Agricol se verkoopsbestuurders in die Oos-Kaap het op Bredasdorp Park gekuier – Herman Grobler van Gqeberha en Phillip van de Putte van Cradock.
In die TotalEnergies-saal het Chris Wentzel (Akura-streeksbestuurder in Gauteng) besoekers bewus gemaak van hoe behoorlike afvalbestuur en Akura se afvalkompaksiemasjiene stortings­terreinafval kan verminder. Die B5 W bied ’n ideale oplossing vir kleiner hoeveelhede afvalmateriaal soos gifkanne en saadsakke.
Johan Stofberg (projekingenieur) en Elton Langwood (verkoopskonsultant) het Hydac se stalletjie beman. Hydac se elektro-hidrouliese oplossings vir presisieboerdery verbeter masjienprestasie, verhoog bedryfsdoeltreffendheid en bevorder volhoubare boerderypraktyke.
Nico en Sarie Alberts van Dullstroom beplan om ’n nuwe motor aan te skaf ná hulle reis deur Suid-Afrika. Tydens hul besoek aan NAMPO Kaap het Vanessa Terblanche (bemarkingsbestuurder, Ford) al die eienskappe van die Ford Territory Dark Edition 1.8 L EcoBoost verduidelik.
Prima Engineering Services vervaardig vlotterkleppe (ball valves) en drie reekse boorgatsilinders van vlekvrye staal en ingenieursnylon. Jaco Karsten van Upington (regs) het belê in ’n vlotterklep. Saam met hom is Jos Smit (verkope), Hans Carstens (eienaar) en Jaco Karsten junior.
Corporate Guarantee Beperk spesialiseer in unieke risikobestuursoplos­sings met die verskaffing van ’n formele platform vir kliënte om hul eie risikobestuurstruktuur te skep. Herman Prinsloo (risikofinansieringskonsul­tant van Johannesburg) en die twee Kapenaars, Pieter Klopper (senior risikofinansieringskonsultant) en JP de Villiers (risikofinansieringskonsul­tant) was gereed om belangstellendes meer te vertel.
The team of Hitachi Construction Machinery – Craig Jacobs (area sales manager), Andries Boshoff (general manager: Equipment Sales) and Danie Gerber (general manager: Branch Operations) – were proud to market the ZX 200 20 ton excavator during NAMPO Cape. Whether it is excavation, demolition, or material handling, this excavator range’s exceptional power and reliability will get the job done.
Die span van Kokama Mining and Agriculture het al die pad van Koster na Bredasdorp gereis om hul innoverende, betroubare en kliëntgesentreerde landboutegnologie uit te stal. JP Reichel (verteenwoordiger) en Kobus Botha (direkteur) staan by ’n baallaaier wat die laai van bale vergemaklik omdat dit tyd spaar en arbeid verminder.
Jonah Zilberg en Jacques Lombard (albei korporatiewe werknemersvoordeelspesialiste) en Stephanie Wulf (bemarkingsbestuurder) het besoekers meer vertel van Simply Financial Services se Flexi Staff Cover – begrafnis-, lewens- en beroepsongeskiktheidsdekking vir werknemers, hul gades en kinders onder 21.
By Kynoch se uitstalruimte kon produsente meer uitvind oor Kynoplus Pro® wat verbeterde be­skerming voorsien teen stikstofvervlugtiging en ook verbeterde voedingsgebruiksdoeltreffenheid bied. Die stalletjie is beman deur Reg Uys (agent), Johan Botha (kommersiële bestuurder) en Adriaan Liebenberg (landboukundige).
Die beoordelaars van die Boereplanne-kompetisie by Omnia Nutriology® se uitstalruimte. Omnia is die hoofborg van dié gewilde kompetisie. Die Omnia-span het produsente ingelig oor hoe Omnia se presisieboerdery- en spesialiteitsgewas­oplossings kan help om groei te optimaliseer, koste te bespaar en gewaskwaliteit te verbeter.
André Fourie van Bredasdorp, Leon de Klerk (streeksbestuurder van Voermol in Gqeberha), Heinie en Rosemary Dorfling van Steytlerville en Nico Klinck (verkoops­verteenwoordiger van Riversdal) het oor Voermol Stressbuster (V35135) gesels. Dié produk stimuleer voerinname en kan maklik in glukose omgeskakel word om die verhoogde energiebehoefte van herkouers wat stres ervaar, te ondersteun.
Algar se Charlotte Esterhuizen (verkope) en Estiaan de Beer (vennoot) staan hier voor ’n hommeltuigsleepwa (6 m) wat geskik is vir deklan­dings. Algar se sleepwaens sluit ’n toegewyde batterylaaikas in en kan buite seisoen as platbakwaens gebruik word. Die ontwerp fokus op veiligheid en duursaamheid, met volledige naverkope-ondersteuning.
Pierre Etsebeth (takbestuurder, Johnson Taylor Forklifts) gesels met Shane Montgomery en George Scheun van Grootfontein Tractors & Implements, al die pad van Namibië. Dit is vanjaar die vierde jaar wat Johnson Taylor by NAMPO Kaap uitstal en elke jaar groei hul besigheid.
Case IH se Padstal by NAMPO Kaap was ’n plek waar pretaktiwiteite aangebied is om die jongspan besig te hou terwyl hulle ouers rustig die produkte kon besigtig. Hier kyk Nina Pratt (student) toe terwyl ’n jong besoeker met ’n blinddoek ’n speletjie speel om ’n prys te wen.
Anna du Plessis (marketing manager, Lemken) in front of the new non-row sensitive weed harrow, the 12-m Thulit. This mechanical harrow boasts continuously variable tine pressure adjustment, compact folding, optional rear support wheels, a four-bar frame design, and eight rows of tines with 31,25 mm tine spacing for blockage-free work. Weed control from the start!
Henry Wright (verkoopsbestuurder: Oos- en Wes-Kaap, Valtrac) staan hier by ’n taai Tatu-omswaaiploeg wat ideaal is om te gebruik vir diep grondbewerking.
Ronin is die invoerder en verspreider van DICKEY-john-produkte in Suid-Afrika. Volgens Gerrit Meyer (nasionale verkoopskonsultant, Ronin) is hierdie saadmoniteringstelsels beskikbaar vir mielieplan­ters sowel as vir koring- en garssaaiers. ’n Volledige reeks ISOBUS-komponente is ook apart by Ronin verkrygbaar.
Willie van der Merwe (produksie en verkope: Wes-Kaap, Sensako) staan hier in ’n proef van Sensako se nuwe koringkultivar, SST 0235. Hierdie kort groeier met belowende data wat in Desember sal uitkom, is ’n verbetering op SST 015 en sal teen 2027 kommersieel beskikbaar wees. Nog Sensako-kultivars waarna produsente kan uitsien is die mediumgroeiers SST 0236 (in 2028) en SST 0256 (in 2029).
New Holland het op Woensdag 10 September die imposante CR10-stroper aan besoekers en die media by NAMPO Kaap bekendgestel. Dié stroper met sy Twin Rotor-tegnologie is die hoogtepunt van 50 jaar se innovasie. Die CR10 kombineer meer krag, verhoogde graankapasiteit en nuwe skoonmaak- en skeidingstelsels om nuwe maatstawwe in deurset, graankwaliteit, verliesvermindering en operateurgerief te stel, met totale oeskostevermindering vir die produsent as einddoel. Derrick Coetzee (produkbemarkingspesialis) is hier besig om die stroper se kenmerke en funksies te verduidelik.
SEW EURODRIVE has strengthened support for South Africa’s farming sector with a complete OEM gear solution for centre pivot irrigation systems, offering locally assembled, serviced and refurbished gearboxes and motors that deliver proven reliability, helping producers cut costs, reduce waste, and improve sustainability. The team at NAMPO Cape were: Jana Klut (marketing manager); Jonathan McKey (national sales and marketing manager); Nici Smith (national financial manager) and Raymond Obermeyer (managing director).
Katlego Dichabe (sales and technical training, STIHL) demonstrates the RCA20 battery-operated rechargeable high-pressure cleaner from STIHL. This handy machine that can be used to clean anything from your car to your porch, can be connected to the main water supply or to a handy 20-l bag that is included for convenience.
Jordan Jeffree (verkoopsbestuurder, PACSys) en Christo van Zyl (HUB van Chemdust) staan hier voor ’n spuithommeltuigsleepwa. PACSys is die verspreider van die EA Vision J150-spuithommeltuig in Afrika, terwyl Chemdust die sleepwaens vervaardig. Die EA J150 met sy 75 l-spuittenk en Lidar-tegnologie vir terreinvolg en hindernisobservasie kan druppelgroottes van 10 mikron tot meer as 500 mikron toedien.
Heinrich Coetzee en Christo Ahlers (gespesialiseerde Suzuki-voertuigverkope) lyk in hulle noppies voor Suzuki se populêre vyfdeur-Jimny – ’n 4×4 wat enige plek kan loop!

RELATED ARTICLESMORE FROM AUTHOR