Through your lens – #ImFarming

May 2020 Winners

Wenner
Amari Bornman van Bultfontein stap weg met die eerste prys van R1 500 in die Junie-kompetisie met hierdie treffende foto van Mooidam-silo onder die sterrehemel.

Tweede
Mariana Coetzer het dié foto, getiteld “Masjien, man en natuur”, op hul plaas in die Randfontein-distrik geneem. Haar man, Wentzel, is agter die stuur van die stroper.

Derde
To Karien Booysen from Oranjeville, lambing season in the Northern Free State is a very special time on the farm.

#ImFarming

Op die #ImStaying-groep wat in September op Facebook gestig is, deel duisende entoesiastiese Suid-Afrikaners die redes
Met die 2020-fotokompetisie kry amateurfoto­grawe die geleentheid om te wys wat Suid-Afrikaanse produsente motiveer om aan te hou boer te midde van uitdagende omstandighede waaroor hulle geen beheer het nie. Die beoordelaars wil graag die unieke aktiwiteite sien wat stedelinge misloop – of dit nou die vreugde is wat die geboorte van ’n nuwe kalf of lammetjie bring, plaaskinders wat sorgeloos in die plaasdam se water rondplas of die opwinding van die eerste druppels reën na die droogte.

Wen elke maand
Vanaf Januarie 2020 word daar vir twaalf uitgawes ’n wenner deur ’n paneel beoordelaars aangewys. Elke wenner sal ’n kontantprys van R1 500 ontvang. Die twaalf finaliste kom aan die einde van dié jaar in aanmerking vir die groot pryse: R15 000 (wenner), R10 000 (naaswenner) en ’n derde prys van R5 000 – met komplimente van Sasol.
KOMPETISIEREËLS
  1. Inskrywings moet die tema #ImFarming uitbeeld.
  2. Slegs amateurfotograwe (dit wil sê persone wat nie ’n bestaan maak uit die neem van foto’s nie) mag vir die kompetisie inskryf.
  3. Die fotograaf moet ’n fotobyskrif, asook sy posadres en telefoonnommer/s, saam met die foto verskaf.
  4. Persone op die foto moet geïdentifiseer word (verskaf noemnaam en van).
  5. Slegs e-posinskrywings sal aanvaar word. Die foto’s mag nie kleiner as 1 MB of groter as
    10 MB elk wees nie – in JPG-formaat.
  6. Foto’s wat ingeskryf word, moet uniek wees en nie oor dieselfde onderwerp handel as foto’s wat vir ’n ander fotokompetisie ingeskryf is nie. Foto’s wat ingeskryf word, mag ook nie voorheen gepubliseer wees nie.
  7. Onaanvaarbare gemanipuleerde foto’s sal nie aanvaar word nie. Onaanvaarbare manipulasie van foto’s behels in wese die byvoeging van visuele elemente wat aanvanklik nie in die foto was nie (byvoorbeeld wolke of plantegroei), asook die uithaal van beeldelemente wat die konteks of tema van die foto verander (byvoorbeeld ’n onooglike en substantiewe beeldelement iewers in die foto). Aanvaarbare manipulasie behels die volgende: Die verandering van die foto se oorspronklike dimensies (cropping – gegewe dat dit nie die konteks of onderwerp verander nie), verstellings aan onderbeligte of oorbeligte dele (exposure adjustments) en verstellings aan die kleurtempe­ratuur (die algemene kleurtint van die foto – colour temperature correction). Indien twyfel ontstaan oor die mate van manipulasie, mag die beoordelaars versoek dat die oorspronklike ongemanipuleerde foto beskikbaar gestel word.
  8. Deelnemers kan ’n maksimum van drie foto’s (waarvan die onderwerpe verskil) per uitgawe inskryf. Indien meer as drie foto’s ingestuur word, sal die eerste drie foto’s wat ontvang word, vir die kompetisie in aanmerking geneem word.
  9. ’n Deelnemer wat ’n maandwenner is, kan vir die daaropvolgende drie uitgawes nie inskryf nie.
  10. Inskrywings wat ná die afsnytyd ontvang word, sal vir die volgende maand se kompetisie ingeskryf word.
  11. Graan SA behou die reg voor om foto’s wat onduidelik is of nie aan die kompetisiereëls voldoen nie, af te keur.
  12. ’n Paneel, wat bestaan uit twee professionele fotograwe asook verteenwoordigers van
    SA Graan/Grain en Sasol, sal die foto’s maandeliks beoordeel.
  13. Alle inskrywings word die eiendom van Graan SA. Die foto’s sal in ’n databank gebêre word en Graan SA en Sasol mag dit vir toekoms­tige promosie-, bemarkings- en publikasiedoeleindes gebruik. Deur in te skryf, stem die deelnemer in daartoe en geen eise van derde partye vir skending van kopiereg kan ingedien word nie.
  14. Werknemers van Sasol, Graan SA of Infoworks mag nie vir die kompetisie inskryf nie.
Stuur foto’s na elmien@infoworks.biz. Onthou om jou naam, posadres, telefoonnommer en ‘n beskryf vir die foto saam te stuur.
- Advertisement -

 

Copy link
Powered by Social Snap