Gedurende Junie het ses van NAMPO Park se terreinwerkers die geleentheid gekry om ’n sweiskursus op die terrein by te woon. Hulle het baie waardevolle vaardighede aangeleer wat nie net in die werkplek nie, maar ook in hul privaat hoedanigheid gebruik kan word.
Die kursus is aangebied deur Fanie Pienaar, ’n opleier vir die Vrystaat- en Noordwes-streke van Graan SA se Ontwikkelende Landbou-program. Hierdie groep gaan in Oktober verdere opleiding ontvang in basiese meganisasie.
Een van die kursusgangers, Klaas Twala, het Graan SA namens die groep bedank vir die geleentheid. Hy het genoem dat hy nie net die nodige vaardighede aangeleer het nie, maar ook hoe om die verpligte veiligheidsmaatreëls toe te pas om sy oë te beskerm.
